Yaxınlarının xəbər ala bilmədiyi 4 Azərbaycan vətəndaşının yeri müəyyən edildi

Azərbaycanın Türkiyədəki Səfirliyinin həyata keçirdiyi araşdırma nəticəsində haqlarında məlumat alına bilinməyən 4 Azərbaycan vətəndaşının yeri müəyyən edilib.

Turanmedia.az xəbər verir ki, bu barədə Xarici İşlər Nazirliyindən məlumat verilib.

Səfərov Fuad Ziyad oğlu, Əsgərov Həsənqulu Elşad oğlu, Qarayev Nicat Zaur oğlu və Vəliyev Namaz Allahverdi oğlunun Malatya Geri göndərmə mərkəzində olduqları müəyyən edilib. Səfirlik əməkdaşları tərəfindən sözügedən Azərbaycan vətəndaşları ilə görüş keçirilib. Vətəndaşlar səhhətlərinin normal olduğunu bildiriblər.