Naxçıvan Hava Limanının direktoru vəzifəsindən azad ediləcək – Mənşur Gülməmmədli həbs oluna bilər
146 Baxış
Naxçıvan Beynəlxalq Hava Limanının direktoru Mənşur Gülməmmədli yaxın günlərdə vəzifəsindən azad ediləcək.
Turanmedia.az xəbər verir ki, bu barədə TNS-ə özəl mənbələrdən məlumat daxil olub.
Məlumata görə, Mənşur Gülməmmədlinin istintaqa cəlb ediləcəyi gözlənilir.
Qeyd edək ki, Azərbaycan Respublikasının Hesablama Palatası Naxçıvan Beynəlxalq Hava Limanında yoxlama aparıb. Hava limanındakı mənbə Tns-ə bildirib ki, yoxlama zamanı ciddi nöqsanlar aşkar edilib. Yoxlamanın nəticələri hüquq-mühafizə orqanlarına göndərilib.
Mənşur Gülməmmədli 2010-cu ildən Naxçıvan Beynəlxalq Hava Limanının direktorudur. O, Naxçıvanın sabiq rəhbəri Vasif Talıbova yaxınlığı ilə seçilən məmurlardan biridir.