İmamın sözləri Acun daxil olmaqla hər kəsi güldürdü

Ərzurumda radio, televiziya və internet jurnalistikasını özündə birləşdirən media kompleksinin açılışında imamın duası Acun İlıcalı daxil olmaqla bütün qonaqları güldürüb.

Turanmedia.az-ın məlumatına görə, Ölkə.Az Türkiyə mediasına istinadla xəbər verir ki, imam “Allahım Fuat qardaşımızın dünyadan xəbər verdiyi kimi, axirətdən də xəbər verməsini nəsib et” deyib.

İş yeri sahibi Fuat Yılmaz imamın dilini sürüşdürdüyünü söyləyib.

“Təxminən 23 ildir ki, radio sektorundayam. Uzun zəhmət nəticəsində yeni məkanımızı açdıq. Media kompleksində radio, televiziya, həmçinin internet jurnalistikası həyata keçiriləcək. Açılışımızda tanınmış aparıcı və media maqnatı Acun İlıcalı iştirak edib.

İmamın sözləri bəlkə də günün ən unudulmaz anı oldu. Açılış sanki o zarafatın gerisində qaldı. İmamımız bizi güldürdü. Allah da onu güldürsün” – deyə o əlavə edib.