Xankəndi paradına sülhməramlılar da qoşulacaq?

Zəfər Günü münasibəti ilə 8 noyabrda Xankəndidə təşkil olunması gözlənilən hərbi paradda Rusiya sülhməramlı kontingentinin hərbçilərinin də iştirak edəcəyi iddiası yayılıb.

Turanmedia.az Axar.az-a istinadən xəbər verir ki, bu barədə rusiyalı politoloq Stanislav Tarasov erməni mediasına açıqlamasında deyib.

O, “Noyabrın 8-də Rusiya sülhməramlıları hərbi paradda iştirak edəcək. Azərbaycanın qələbəsi şərəfinə iştirak edəcəksinizmi?” sualına cavab olaraq deyib ki, sülhməramlılar Azərbaycana əks qüvvə kimi deyil, Ermənistanla Azərbaycan arasında vasitəçi qüvvə kimi yerləşdirilib.