Səlçuk Bayraktar bu gün “İnnovasiyalar Həftəsində” çıxış edəcək – VİDEO

“World Net Summit”in bugünkü beynəlxalq onlayn konfransında Selcuk Bayraktar çıxış edəcək.

Nəqliyyat, Rabitə və Yüksək Texnologiyalar naziri Ramin Quluzadə bildirib ki, “World Net Summit” beynəlxalq onlayn konfransı Birləşmiş Millətlər Təşkilatının İnkişaf Proqramı və “FA International Trade Events” MMC-nin birgə təşkilatçılığı ilə “InnoWeek – İnnovasiya həftəsi 2020” çərçivəsində keçiriləcək.

Bu gün tədbirdə “Baykar Makina” şirkətinin texniki direktoru Selcuk Bayraktar yüksək texnologiyalar və innovasiyalar haqqında çıxış edəcək.

O, çıxışında startap ekosisteminin, o cümlədən hərbi milli sənaye hərəkatının inkişafında dronların əhəmiyyətli rolundan bəhs edəcək.

Bildirilib ki, ölkəmizdə 2018-ci ildən keçirilən beynəlxalq “InnoWeek – İnnovasiya həftəsi”​ çərçivəsində yüksək texnologiyalar, innovasiyalar sahəsində ən son yeniliklərin əks olunduğu konfrans, forum və sərgilər təşkil olunur. Həyata keçirilən tədbirlər nəticəsində ölkəmizdə innovasiya ekosistemi sürətlə inkişaf edir.

---

Məlumat oxu.az saytından götürülmüşdür.