Nazir: “DSMF-nin əleyhinə çıxarılan məhkəmə qərarlarının sayı 10 min 200-dən 1 200 enib”

“Ötən müddət ərzində Dövlət Sosial Müdafiə Fondunun əleyhinə çıxarılmış məhkəmə qərarları ilə bağlı aktiv iş aparılıb”.

“Report” xəbər verir ki, bunu parlamentin bu gün keçirilən iclasında Əmək və Əhalinin Sosial Müdafiəsi naziri Sahil Babayev deyib.

Nazirin sözlərinə görə, 2017 və 2018-ci illərdə fondun əleyhinə 10 min 200 məhkəmə qərarı çıxarılıb. İndi isə bu rəqəm 1200-ə enib:

“Eyni zamanda fonda qarşı qaldırılan iddialar üzrə uduzulan məbləğ isə 50,7 milyon manatdan 3,6 milyon manata düşüb. İllik təqribən 93 faizlik azalma var. Məhkəmə qərarları əsasında fondun itkiləri ciddi şəkildə azaldılıb”.

---

Məlumat oxu.az saytından götürülmüşdür.