“Bravo”nun əsgər payı layihəsi bu dəfə Füzulidə – VİDEO

44 günlük Vətən Müharibəsində Azərbaycana tarixi qələbəni qazandıran, şübhəsiz, müzəffər ordumuz oldu. 

Heç şübhəsiz, bu qələbə dövlətimizin uzun illər gördüyü hazırlığın nəticəsi idi. Daim maddi-texniki baxımdan gücləndirilən Silahlı Qüvvələrimizə dövlətimiz hər zaman xüsusi qayğı ilə yanaşıb.

Şanlı ordumuzun heç bir maddi-məişət çətinliyinin olmaması üçün Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə Heydər Əliyev Fondu və “Bravo” supermarketlər şəbəkəsi hərbi qulluqçularımız üçün yeni dəstək aksiyasının həyata keçirilməsinə başlayıb.

Dekabr ayının 18-də başlayan aksiya çərçivəsində bu dəfə Füzuli rayonuna əsgər payı aparılıb. 

“Bravo”nun əməkdaşları əsgər payı bağlamalarını döyüşçülərimizə çatdıraraq, onların istəklərini qeydə alıblar. 

Daha ətraflı Baku TV-nin videosüjetində:

---

Məlumat oxu.az saytından götürülmüşdür.