AzTV Şuşada yayımlanmağa başladı – VİDEO

Teleməkanda ilk dəfə olaraq Azərbaycan Televiziyası (AzTV) Şuşada yayıma başlayıb.

AzTV-nin Sosial media və ictimaiyyətlə əlaqələr şöbəsinin məlumatına görə, Şuşada Azərbaycan Televiziyasına baxmaq və 105 FM radiosunu dinləmək mümkündür.

“Müharibə bitdikdən bir neçə gün sonra televiziyamızın yayımını bərpa etmək üçün işlərə başladıq. Ötürücü avadanlıqlar quraşdırılıb və həmin günlərdən AzTV-yə Şuşada baxmaq və radionu dinləmək mümkün olub. Əsas məqsədimiz işğaldan azad olunmuş bütün torpaqlarımızda tezliklə yayımı bərpa etməkdir”, – deyə şöbədən bildirilib.

Bundan başqa, AzTV-nin Şuşa bürosunun yaradılması da nəzərdə tutulur.

---

Məlumat oxu.az saytından götürülmüşdür.