Bakıda avtobusun piyadanı vurması ilə bağlı RƏSMİ AÇIQLAMA

Ötən gün Bakıda piyadanı vuran avtobusun Bakı Nəqliyyat Agentliyinə məxsus olması ilə bağlı iddialara aydınlıq gətirilib.

Bu barədə Oxu.Az-a Bakı Nəqliyyat Agentliyindən (BNA) məlumat verilib.

Bildirilib ki, metronun “Elmlər Akademiyası” stansiyasının yaxınlığında baş verən qəza ilə bağlı araşdırma aparılıb:

“Hadisə özəl şirkətlərdən birinə məxsus xidməti avtobusun iştirakı ilə baş verib. Yəni ötən gün qeyd olunan ərazidə müntəzəm və ekspress xətlər üzrə sərnişin avtobuslarının iştirakı ilə piyada vurulması halı olmayıb”.

---

Məlumat oxu.az saytından götürülmüşdür.