“Azərxalça”ya müvəqqəti rəhbər təyin olundu

“Azərxalça” Açıq Səhmdar Cəmiyyəti İdarə Heyətinin sədri vəzifəsinə təyinat olub.
Bu barədə qurumun saytında qeyd edilib.

ASC-nin İdarə Heyətinin sədrinin səlahiyyətləri İslam Səfər oğlu Qurbanova həvalə edilib.

Qeyd edək ki, o, Azərbaycan Respublikası Prezidentinin 2016-ci il 21 iyun tarixli Sərəncamı ilə “Azərxalça” ASC-nin İdarə Heyətinin sədr müavini təyin olunub.

Xatırladaq ki, “Azərxalça” ASC-nin İdarə Heyətinin keçmiş sədri Vidadi Muradov 2021-ci ilin yanvarın 9-da həbs edilib, yanvarın 10-da isə vəzifəsindən azad edilib.

---

Məlumat oxu.az saytından götürülmüşdür.