Warning: Invalid argument supplied for foreach() in /sites/turanmedia.az/wp-includes/script-loader.php on line 2678

Balakəndə karantin rejimi ilə əlaqədar növbəti reyd keçirilib – FOTO

114 Baxış

Balakəndə Polis Şöbəsinin əməkdaşları koronavirus pandemiyasının yayılmasının qarşısının alınması, elan edilən xüsusi karantin rejimi qaydalarına riayət edilməsi məqsədilə rayon ərazisində nəzarət-profilaktik və maarifləndirmə tədbirlərini davam etdirirlər.

Bu barədə Daxili İşlər Nazirliyinin Mətbuat Xidmətinin Şəki regional qrupu məlumat yayıb.

Bildirilib ki, şəhər ərazisində yerləşən böyük mağazalarda, sərnişindaşıma ilə məşğul olan nəqliyyat vasitələrində, həmçinin hərəkətin intensiv olduğu açıq ictimai məkanlarda keçirilən reydlər zamanı tənəffüs yollarını qoruyan fərdi vasitələrdən istifadə etməyən, sosial məsafə gözləməyən şəxslərlə maarifləndirici söhbətlər aparılıb. Sahibkarlara sanitar-karantin qaydalarına ciddi əməl etməklə fəaliyyət göstərməyin vacibliyi çatdırılıb. 

Həmçinin tədbir zamanı şəffaf arakəsmələr quraşdırılmayan ictimai nəqliyyat vasitələri, eləcə də maskadan istifadə etməyən sənişin və sürücülər aşkar olunub. Edilən xəbərdarlıqlara məhəl qoymayan və  qaydaları pozmaqda davam edən şəxslər qanunvericiliyə uyğun olaraq inzibati məsuliyyətə cəlb ediliblər.


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678