Günərzi qayğı mərkəzlərinin fəaliyyəti niyə dayandırılıb? – AÇIQLAMA
Sağlamlıq imkanları məhdud uşaqlara reabilitasiya xidmətləri ilə bağlı yaxın zamanlarda elan veriləcək.
Bu sözləri Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sədri Vüqar Behbudov “Sosial saat” layihəsində çıxışı zamanı deyib.
O, həm də Günərzi qayğı mərkəzlərinin fəaliyyətinin bərpası ilə bağlı sualı da cavablandırıb:
“Mərkəzlərin fəaliyyəti ilə bağlı yeni şərtlər hazırlanır. Pandemiya ilə bağlı qaydaların ciddi tənzimlənməsi lazımdır ki, vətəndaşların yoluxma riski minimuma endirilsin. Bildirdiyim kimi, 2019-cu il daxil olmaqla bu proses uğurla həyata keçirilib. Sadəcə pandemiya ilə əlaqədar olaraq bu mərkəzlərin fəaliyyəti dayandırılıb. Cari ildən Günərzi qayğı mərkəzlərinin fəaliyyətinə başlanılacaq”.
Könül Cəfərli
Məlumat oxu.az saytından götürülmüşdür.