Maşın növbəsinə dayanan Vətən müharibəsi qaziləri qeydiyyata alınacaqlar

Yaxın zamanlarda tibbi göstərişlə avtomobil idarəsinə müsbət rəy verilən, maşın növbəsinə dayanan müharibə əlilləri üçün avtomobil sifarişi üçün tender elan ediləcək.

Bu sözləri Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sədri Vüqar Behbudov “Sosial saat” layihəsində çıxışı zamanı deyib.

O bildirib ki, bu günə qədər maşın növbəsində olan şəxslərin siyahısı Agentlikdə var:

“Vətən müharibəsi zamanı da əlil olan şəxslər arasında maşın növbəsinə dayanan şəxslər varsa, onlar da növbəlilik prinsipi ilə qeydiyyata alınacaqlar. Yaxın zamanlarda avtomobillərin alınması üçün tender elan olunacaq. Avtomobillər alındıqdan sonra avtomobillərin təqdim edilməsi prosesinə başlanılacaq”.

Könül Cəfərli

---

Məlumat oxu.az saytından götürülmüşdür.