Warning: Invalid argument supplied for foreach() in /sites/turanmedia.az/wp-includes/script-loader.php on line 2678

ETSN rəsmisi: “Dəymiş ziyan hesablandıqdan sonra Ermənistan qarşısında təzminat iddiası qaldırılacaq”

98 Baxış

Ekologiya və Təbii Sərvətlər Nazirliyinin təşkilatçılığı ilə işğaldan azad edilmiş Füzuli rayonunun Qaraməmmədli kəndinə mediatur təşkil olunub. 

Oxu.Az-ın məlumatına görə, səfər zamanı kənddə bir hektar ərazidə 600-dən çox müxtəlif cinsli ağac əkilib.

Ekologiya və Təbii Sərvətlər nazirinin müavini Vüqar Kərimov mediatur zamanı jurnalistlərə açıqlamasında bildirib ki, işğal dövründə ermənilər tərəfindən ərazilərdə yaşıllıqlara vurulan ziyanlarla bağlı dörd istiqamət üzrə monitorinq aparılır:

“Beynəlxalq ekspertlərin də bu işlərə cəlb edilməsinə ehtiyac var. Dəymiş ziyanın hesablanması işləri həyata keçirilir və nəticədə Ermənistan qarşısında təzminat iddialarının qaldırılması üçün aiddiyyəti qurumlara təqdim ediləcək”.

“Ərazilər minalardan təmizləndikdən sonra daha geniş miqyaslı meşə bərpa işləri aparılacaq”, -deyə nazir müavini əlavə edib.

İlhamə Əbülfət 


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678