Daşkəsəndə evdə partlayış: Ana və oğul xəsarət aldı
220 Baxış
Daşkəsən rayonunda evdə partlayış olub.
Oxu.Az-ın məlumatına görə, hadisə rayonun Zəylik kəndində baş verib.
Evdə istifadə edilən qaz balonunun partlaması nəticəsində Zəylik kənd sakini, 1972-ci il təvəllüdlü Vəliyeva Yaqut Vəli qızı və onun övladı 1997-ci il təvəllüdlü Vəliyev İsa Əkrəm oğlu yanıq xəsarətləri alıb.
Hər iki şəxs bədənin müxtəlif hissələrinin I və II dərəcəli yanıq xəsarəti ilə Gəncədə xəstəxanaya yerləşdiriliblər.
İlhamə Əbülfət
Məlumat oxu.az saytından götürülmüşdür.