İcbari tibbi sığorta paketindən hansı yaş aralığında istifadə olunacağına aydınlıq gətirildi

“İcbari tibbi sığortanın xidmətlər paketində heç bir yaş məhdudiyyəti yoxdur”.

Oxu.Az xəbər verir ki, bu barədə İcbari Tibbi Sığorta üzrə Dövlət Agentliyinin mətbuat katibi Aynurə Əhmədova deyib.

O bildirib ki, icbari tibbi sığortanın xidmətlər zərfini özəl sığorta şirkətlərində təklif edilən paketlərlə qarışdırmaq olmaz:

“Aprel ayının 1-dən etibarən Bakı, Sumqayıt şəhərləri və Abşeron rayonunda icbari tibbi sığortanın tətbiqinə başlanılıb. İcbari tibbi sığortanın xidmətlər zərfində heç bir yaş kateqoriyası və ya məhdudiyyət yoxdur. Əgər sizə lazım olan tibbi xidmət xidmətlər zərfində varsa, ondan ödənişsiz şəkildə istifadə edə bilərsiniz”.

---

Məlumat oxu.az saytından götürülmüşdür.