Şəhidimiz İkinci Fəxri xiyabanda dəfn edildi – FOTO

Vətən müharibəsi zamanı şəhid olan və nəşi tapılaraq dünən ailəsinə təhvil verilən hərbçi Təbriz İbrahimov dəfn olunub.

Şəhid hərbçi İkinci Fəxri xiyabanda torpağa tapşırılıb.

Dəfn mərasimində Müdafiə Nazirliyinin rəsmiləri, şəhidin döyüş yoldaşları, hərbçilər, yaxınları, ictimaiyyət nümayəndələri iştirak edib.

Qeyd edək ki, İbrahimov Təbriz İsmayıl oğlu 8 oktyabr 1992-ci il Salyan rayonunun Çadırlı kəndində anadan olub. Onun sentyabrın sonlarında Murov istiqamətində gedən döyüşlərdə itkin düşüb.

Respublika Hərbi Prokurorluğunun dünən yaydığı məlumata görə, müddətdən artıq həqiqi hərbi xidmət hərbi qulluqçusu, əsgər İbrahimov Təbriz İsmayıl oğlunun meyiti tapılaraq, şəxsiyyəti müəyyən edilməklə aidiyyəti üzrə verilməsi üçün zəruri tədbirlərin görülməsi təmin olunub.

---

Məlumat oxu.az saytından götürülmüşdür.