Yevlaxda qadın “Vito”nun altında qalaraq ölüb

Yevlaxda ölümlə nəticələnən yol nəqliyyat hadisəsi baş verib.

“Report”un xəbərinə görə, hadisə Bakı-Qazax yolunun Yevlax şəhəri ərazisindən keçən hissəsində avtovağzalın yanındakı 4 yolda qeydə alınıb.

Hadisə zamanı VAZ-2115 markalı avtomobillə “Mercedes-Vito” markalı avtomobil toqquşub. Gəncə istiqamətindən gələn “Mercedes-Vito” Yevlax şəhərindən çıxan VAZ-2115 avtomobili tərəfindən vurulub. Nəticədə “Vito” aşaraq bir neçə metr sürüklənib. Zərbə zamanı “Mercedes-Vito” avtomobilinin içində olan bir qadın sərnişin maşının altında qalaraq dünyasını dəyişib.

---

Məlumat oxu.az saytından götürülmüşdür.