Nazir: “Azərbaycan hər zaman beynəlxalq hüquqa riayət edilməsinin tərəfdarı olub”

Azərbaycan hər zaman beynəlxalq hüquqa riayət edilməsinin tərəfdarı olub. 

Oxu.Az xəbər verir ki, bu sözləri mədəniyyət naziri Anar Kərimov deyib. 

O bildirib ki, proseslər Azərbaycan Respublikasının Prezidenti İlham Əliyev tərəfindən 2008-ci ildə irəli sürülmüş “Bakı Prosesi” təşəbbüsü ilə başlayıb:

“Bu proses 2010-cu ildə bu BMT Baş Assambleyası çərçivəsində irəli sürülmüş Ümumdünya Mədəniyyətlərarası Dialoq Forumu təşəbbüsünün qlobal miqyasda davamını və onun əsas ideyalarına sadiqliyini nümayiş etdirdi. 

“Bakı Prosesi” çərçivəsində həyata keçirilən kampaniyaya 180-dən çox xarici dövlətin nümayəndəsi qoşuldu. Onlar bu çərçivədə həyata keçirilən beş mədəniyyətlərarası forumda iştirak etdi. Bu forumlara 10 mindən çox şəxs qatıldı. Forumlar bir çox sferaları əhatə edib, hətta biznes nümayəndələri də “Bakı Prosesi” çərçivəsində təşkil edilən forumlarda iştirak ediblər”.

Könül Cəfərli

---

Məlumat oxu.az saytından götürülmüşdür.