Könül Ələkbərov: “Ucqar kəndlərdə çalışan tibb işçilərinin maaşı məsafəyə görə dəyişir”

“İcbari Tibbi Sığortanın tətbiqinin əsas məqsədi tibbi xidmətlərin əlçatanlığını təmin etməkdir. Ucqar kənddə çalışan həkimlərlə rayon mərkəzinə yaxın ərazidə çalışan həkimlərin əməkhaqqıları fərqlidir”. 

Oxu.Az xəbər verir ki, bu barədə 1 saylı Kliniki Tibbi Mərkəzin direktoru Könül Ələkbərov məlumat verib.

K.Ələkbərov bildirib ki, agentliyin regionlarda çalışan əməkdaşları heç bir tibb məntəqəsini ləğv etmək və ya ixtisar etmək fikrində olmayıblar:

“Əksinə, tibb işçilərinin ucqar kəndlərdə çalışmasına motivasiya məqsədilə əməkhaqqılarına müxtəlif əlavələr tətbiq olunur. Eyni zamanda bu əlavələr məsafəyə görə də dəyişir. Məsələn rayon mərkəzinə 50 km, 100 km, 150 km məsafəyə görə məbləğ dəyişir. Ucqar kənddə çalışan həkimlərlə rayon mərkəzinə yaxın ərazidə çalışan həkimlərin əməkhaqqıları fərqlidir”.

---

Məlumat oxu.az saytından götürülmüşdür.