Qubada oğurluq edən şəxs ələ keçdi – FOTO
Quba Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində oğurluq etməkdə şübhəli bilinən şəxs saxlanılıb.
Bu barədə Oxu.Az-a Daxili İşlər Nazirliyinin (DİN) mətbuat xidmətinin Quba Regional Qrupunun baş inspektoru polis leytenantı Xəyal Talıbov məlumat verib.
O bildirib ki, keçirilmiş əməliyyat-axtarış tədbirləri nəticəsində oğurluq hadisəsini törətməkdə şübhəli bilinən Şabran rayonunun Gəndab kənd sakini Kamran Nurəliyev olduğuna əsaslı şübhələr yaranıb:
“Aparılan araşdırmalarla onun Quba rayonuna gələrək Timiryazev qəsəbəsindəki evlərin birindən 460 manat pul vəsaitini oğurlaması məlum olub. Onun digər cinayətlərdə iştirakının müəyyən edilməsi ilə bağlı Quba Rayon Polis Şöbəsində əməliyyat-axtarış tədbirləri davam etdirilir”.
Məlumat oxu.az saytından götürülmüşdür.