Yarım il ərzində Bakıda neçə kilometr yol yenidən qurulub?
“2021-ci ilin 6 ayı ərzində 119.6 kilometr uzunluğunda avtomobil yolları, prospekt və küçələr tikilmiş, yenidən qurulmuş və təmir olunub”.
Oxu.Az xəbər verir ki, bu barədə bu gün keçirilən Azərbaycan Avtomobil Yolları Dövlət Agentliyi tərəfindən 2021-ci ilin 6 ayı ərzində yerinə yetirilmiş işlər barədə hesabat konfransında Avtomobil Yollarının İstismarı və Təmiri Baş İdarəsinin rəis müavini Hidayət Rüstəmov məlumat verib.
O bildirib ki, yerli əhəmiyyətli 55.5 kilometr, Bakı şəhər yollarının isə 64.1 km yenidən qurulub və təmir edilib:
“2021-ci ilin 6 ayı ərzində Bakı şəhərində Qala-Pirallahı avtomobil yolunun 3.6 kilometrdə, uzunluğu 76.7 metr olan yerüstü piyada keçidinin tikintisi başa çatdırılaraq əhalinin istifadəsinə verilib”.
Könül Cəfərli
Məlumat oxu.az saytından götürülmüşdür.