Warning: Invalid argument supplied for foreach() in /sites/turanmedia.az/wp-includes/script-loader.php on line 2678

Fahrettin Altun: Ortaq tariximizi yox etmək istəyənlərə boyun əyməyəcəyik

107 Baxış

“Ortaq tariximizi yox etmık istəyənlərə və ümumi gələcəyimizə ən böyük maneə olan dövlət, lobbi və diaspora qarşısında boyun əyməyəcəyik”.

Bunu “Beynəlxalq hüquq və tarix prizmasından 1915-ci il hadisələri” konfransının açılışında çıxış edən Türkiyə Cümhurbaşqanlığı İletişim Başkanı Fahrettin Altun deyib.

Cümhurbaşqanlığı İletişim Başkanlığının təşkil etdiyi konfransdakı çıxışında F.Altun bildirib ki, türklərlə ermənilər yüz illər boyu birlikdə yaşamaq mədəniyyəti formalaşdırıblar: “Biz yüz illər boyu sevinci də, kədəri də paylaşmışıq. Aramızda düşmənçilik toxumları səpməyə çalışanlara qarşı birlikdə mübarizə aparmalıyıq. 1915-ci ildə baş verən hadisələr tarix mövzusu olmalı olduğu halda, kirli siyasət mövzusuna çevrilib”.

Çıxışında Birinci Dünya müharibəsinin Osmanlı İmperatorluğuna və millətə böyük təsir etdiyini bildirən qeyd edən F.Altun daha sonra deyib: “Türk, kürd, ərəb və erməni, bütün Osmanlı vətəndaşları müharibənin çətinliyini yaşadı. Osmanlı İmperiyası Çanakkale, Qafqaz, Fələstin, Hicaz kimi cəbhələrdə böyük mübarizə apardı və yüz minlərlə övladını itirdi. Bir tərəfdən də işğalçı qüvvələrin təhrik etdiyi separatçı dəstələrin törətdiyi qırğınlara tuş gəldi. Bu, müsəlman əhalinin vəziyyətini ağırlaşdırdı. Buradakı müharibə şəraitindən istifadə edən erməni quldur dəstələrinin Anadoluda yüz minlərlə dinc sakini qətlə yetirməsi tarixi faktdır. Minlərlə Osmanlı vətəndaşı erməni quldur dəstələrinin qırğınlarından canını qurtarmaq üçün vətənlərini tərk etməli oldu.Vəhşiliklərin qarşısını almaq üçün Osmanlı İmperiyası tərəfindən 1915-ci ildə “Göndərmə və Məskunlaşma Qanunu” qəbul edildi. Sözügedən quldur dəstələrinin hücumlarının intensivləşdi bölgələrdəki ermənilər can və mal təhlükəsizliyi təmin edilərək müvəqqəti olaraq Osmanlı sərhədləri daxilində cənub bölgələrinə köçürülmüş, lakin heç vaxt deportasiya edilməmişdir. Soyqırımı kimi bir hadisə heç vaxt baş verməyib”.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678