“Azərsu”dan Yeni Yasamaldakı su xəttindəki qəza ilə bağlı açıqlama

“Azərsu” Yeni Yasamal yaşayış massivində magistral su xəttində baş baş verən qəza ilə bağlı açıqlama yayıb.

Turanmedia.az olke.az-a istinadən xəbər verir ki, “Azərsu” ASC-nin mətbuat xidmətinin rəhbəri Anar Cəbrayıllının sözlərinə görə, qəzanın nəticələrini aradan qaldırmaq üçün təirəsalınmaz tədbirlər həyata keçirilir.

“+ 52 Alatava” və “+ 82 Qərb” mərkəzi su anbarlarını əlaqələndirən 1400 mm-lik magistral su kəmərində bu gün səhər saatlarında qəza baş verib. Dərhal “+ 52 Alatava” su anbarında nasosların fəaliyyəti dayandırılıb. Hadisə yerinə Bakı Sukanal və Yasamal rayon Sukanal idarələrinin qəza briqadaları, xüsusi texnika cəlb olunub”, – o qeyd edib.

Anar Cəbrayıllı əlavə edib ki, magistral kəmərdə qəza ilə əlaqədar Yasamal və Səbael rayonlarının bəzi ərazilərinə içməli suyun verilməsində məhdudiyyətlər olacaq. İşin gedişi ilə əlaqədar əlavə məlumat veriləcək.