Hatay bələdiyyə başçısı zəlzələdən iki həftə əvvəl canlı yayımda xəbərdarlıq edib: “Hazır deyilik” – VİDEO

Türkiyənin Hatay bələdiyyə başçısı Lütfü Savaşın iki həftə əvvəlki zəlzələ açıqlaması gündəm olub.

Turanmedia.az tns-ə istinadla xəbər verir ki, həmin açıqlamada Hatayın dağıdıcı zəlzələyə hazır olmadığını bildirən Lütfü Savaş hökuməti tənqid edib.

“Zəlzələyə hazır olmaq üçün hökumət və bələdiyyələr əməkdaşlıq etməlidir. Nazirliklərə nə qədər məktublar göndərsək də, çoxu bizə cavab vermir”, – bələdiyyə başçısı bildirib.

Qeyd edək ki, Türkiyə bu günlərdə tarixinin ən böyük fəlakətlərindən birini yaşayır. Qardaş ölkədə baş verən zəlzələ 10 vilayətdə ciddi dağıntılara səbəb olub. Həmin vilayətlərdən biri də Hataydır.