Priqojinin digər təyyarəsi Bakıya gəlib

Ötən gün Rusiyanın Tver vilayətində baş verən təyyarə qəzasında ölən “Vaqner” özəl hərbi şirkətinin rəhbəri Yevgeni Priqojinin ikinci özəl təyyarəsinin Moskvadan Bakıya gəldiyi müəyyənləşib.

Turanmedia.az qazeta.ru-ya istinadən xəbər verir ki, “Flightradar” uçuş izləmə məlumatları bunu təsdiq edir.

“Flightradar”ın məlumatına əsasən, təyyarə avqustun 24-də saat 15:30-da Moskvanın “Vnukovo” hava limanından qalxıb, yerli vaxtla saat 19:04-də Bakıya enib. Həmin təyyarənin göyərtəsində kimlərin olduğu məlum deyil.

Qeyd edək ki, avqustun 23-də Priqojin və “Vaqner”in komandirlərindən bəzilərini daşıyan təyyarə qəzaya uğrayıb. Təyyarədə olan 10 nəfərdən heç biri sağ qalmayıb.