Warning: Invalid argument supplied for foreach() in /sites/turanmedia.az/wp-includes/script-loader.php on line 2678

Yaponiyada hər 10 nəfərdən birinin yaşı 80-ni keçib

52 Baxış

Yaponiyada hökumət əhalinin 10 faizindən çoxunun hazırda 80 və ya daha yuxarı yaşda olduğunu bildirib. Bu, sürətlə qocalmaqda olan ölkənin demoqrafik böhranında ən son narahatedici mərhələdir.

Turanmedia.az olke.az-a istinadən xəbər verir ki, Daxili İşlər və Rabitə Nazirliyinin açıqladığı rəqəmlərə görə, Yaponiyada 65 yaş və yuxarı olaraq təyin olunan yaşlıların nisbəti də rekord səviyyədədir. Bu qrup əhalinin 29,1 faizini təşkil edir ki, bu da dünyada ən yüksək göstəricidir. Nazirlik həmçinin sürətlə aşağı düşən doğum nisbəti və azalan işçi qüvvəsi ilə bağlı hesabatlar dərc edərək, diqqəti pensiya və səhiyyə üçün maliyyələşdirməyə təsir göstərə biləcək dərəcələrə cəlb edib.

Yaponiyanın əhalisi 1980-ci illərin iqtisadi bumundan bəri davamlı şəkildə azalır və doğum səviyyəsi 1,3 faiz təşkil edir. Bu göstərici immiqrasiyanın olmadığı bir şəraitdə sabit əhalini saxlamaq üçün tələb olunan 2,1 faizdən xeyli aşağıdır.

On ildən artıqdır ki, Yaponiyada ölüm halları doğuş sayını üstələyir və bu, dünyanın üçüncü ən böyük iqtisadiyyatının liderləri üçün artan problem yaradır. Ölkə həm də dünyada gözlənilən ömür uzunluğuna görə birinci yerdədir ki, bu da yaşlı əhalinin sürətlə artmasına səbəb olur.

Artan işçi çatışmazlığı ilə mübarizə aparmaq və durğunluqda olan iqtisadiyyatı canlandırmaq ümidi ilə Yaponiya hökuməti son on ildə daha çox yaşlı işçini yenidən işçi qüvvəsinə qoşulmağa təşviq edib. Hazırda Yaponiyada rekord sayda yaşlı işçilər var (9,12 milyon) və onların sayı 19 il ardıcıl olaraq artıb. Daxili İşlər Nazirliyinin bəyanatında deyilir ki, 65 və daha yuxarı yaşda olan işçilər hazırda milli işçi qüvvəsinin 13 faizindən çoxunu təşkil edir.(Publika.az)

 


Warning: Invalid argument supplied for foreach() in /sites/turanmedia.az/wp-includes/script-loader.php on line 2678