Braziliya prezidenti: “Peyvənd olunmayacağam”
133 Baxış
Braziliya Prezidenti Jair Bolsonaro koronavirus infeksiyasına qarşı peyvənd olunmayacaq.
Bu barədə dövlət başçısı Band TV kanalının efirində elan edib.
“Peyvənd olunmayacağam və nöqtə. Həyatım təhlükədədir? Bu, mənim problemimdir”, – deyə o bildirib.
Siyasətçi peyvəndlərin məcburi ola bilməyəcəyini deyərək, bunun könüllü şəkildə həyata keçirilməsinin vacibliyini vurğulayıb.
Bundan əlavə, Braziliya lideri COVID-19-dan qorunma vasitəsi olaraq maska taxmağın effektivliyinə də inanmadığını vurğulayıb.
Məlumat oxu.az saytından götürülmüşdür.