Putin ən uzun Yeni il təbriki etdi

Rusiya Prezidenti Vladimir Putinin 2020-ci ilə yekun vuran Yeni il müraciəti 21-ci əsrdə Rusiyada prezident təbriklərinin ən uzunu olub.

TASS xəbər verir ki, onun çıxışı Kremldə olub və altı dəqiqə çəkib.

Kamçatka sakinləri ənənəvi olaraq təbrikin ilk tamaşaçıları və dinləyiciləri olublar.

Bu ilə qədər onun ən uzun Yeni il çıxışı 2013-cü ildə dörd dəqiqə yarımdan çox (həcmi baxımından – 463 söz) davam edib.

Sözlərin sayı baxımından ən qısa (191 söz) təbrik 2006-cı ildə olub. Təbrik iki dəqiqədən bir az çox davam edib.

Yeni il müraciəti müddəti üçün rekord Boris Yeltsində qalır. O, 31 dekabr 1999-cu ildə təqaüdə çıxdığını elan edərək 10 dəqiqədən çox danışıb.

---

Məlumat oxu.az saytından götürülmüşdür.