Warning: Invalid argument supplied for foreach() in /sites/turanmedia.az/wp-includes/script-loader.php on line 2678

Soylu: “Yunanıstan günahsız insanları ölümə sürükləyir” – VİDEO

137 Baxış

Türkiyənin Daxili İşlər naziri Süleyman Soylu qanunsuz miqrantların Yunanıstan Sahil Mühafizə gəmisi tərəfindən Türkiyə ərazi sularına qovulduqlarını əks etdirən video paylaşıb.

Türkiyəli nazirin “Twitter” hesabından paylaşılan videodan görünür ki, mühacir gəmisi batma təhlükəsi ilə üzləşir. Mühacirlər Türkiyə Sahil Mühafizəsi tərəfindən xilas edilir.

Miqrantlardan biri deyib ki, üç saat qayıqda qalıblar və Yunanıstana çatıblar:

“Bir qayıq gördük. Gördüyümüz gəmi Türkiyə qayığı deyildi, Yunanıstan qayığı idi və kömək edəcəklərini düşünərək yardım istədik. Gəldilər, motorumuzu aldılar, sonra geri dönməyimizi dedilər. Türkiyə Sahil Təhlükəsizlik qüvvələri gəlib bizi xilas edənə qədər bizi izlədilər”.

Nazir Soylu qeyd edib ki, Yunanıstan günahsız insanları ölümə sürükləyir, Avropa da bunu müşahidə edir. Türkiyə Sahil Mühafizə Qüvvələri canlarını qurtarır.

O bildirib ki, hər gün baş verən bu qeyri-insani davranışa səsini çıxarmayan “Frontex”i və Avropa Parlamentini şiddətlə qınayırıq.

Greece is still pushing innocent people to death and Europe is just watching…
Turkish Coast Guard Forces are rescuing lives.
We strongly condemn @Frontex and @Europarl_EN for ignoring this inhuman treatment that stands every day@nmitarakis pic.twitter.com/Nl1cQwMomL

— Süleyman Soylu | Maske? Mesafe↔️ Temizlik? (@suleymansoylu) January 7, 2021


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678