ABŞ-ın atom sualtı qayığı birələrin hücumuna məruz qalıb

ABŞ-a məxsus “USS Connecticut” atom sualtı qayığı birələrin hücumuna məruz qalıb.

Bu barədə “Navy Time” portalı məlumat yayıb.

Məlumata görə, birələr hələ ötən ilin mart ayında sualtı qayığa hücum çəkiblər.

Lakin gəmi heyətinin şikayətlərinə heç kim inanmayıb.

Nəhayət ki, bu yaxınlarda ordu rəhbərliyi gəmiçilərin “harayını” eşidib və atom qayığında genişmiqyaslı dezinfeksiya işlərinə start verilib.

Buna baxmayaraq, hərbçilər öz xidmət yerlərinə geri dönməyə qorxurlar. Onların fikrincə, təmizləmə işlərinə baxmayaraq, birələr yenidən qayıda bilərlər.

---

Məlumat oxu.az saytından götürülmüşdür.