Azərbaycan XİN Tacikistana başsağlığı verdi – FOTO
Azərbaycan Xarici İşlər Nazirliyi Tacikistanda baş verən zəlzələ nəticəsində 5 nəfərin həyatını itirməsi ilə bağlı bu ölkəyə başsağlığı verib.
Xarici İşlər Nazirliyi bununla bağlı “Twitter” səhifəsində paylaşım edib.
“Tacikistanda 5 nəfərin ölümü ilə nəticələnən zəlzələ ilə bağlı xəbər bizi kədərləndirdi. Zəlzələ nəticəsində həlak olanların ailələrinə başsağlığı verir və yaralananların tezliklə sağalmasını diləyirik”, – deyə paylaşımda bildirilir.
Qeyd edək ki, bu gün yerli vaxtla saat 07:14 radələrində Tacikistanın paytaxtı Düşənbədən 165 km şimal-şərqdə Rəşt rayonundan 21 km şərqdə 6 bal gücündə zəlzələ olub. Zəlzələnin gücü episentrdə 6 bal, Düşənbədə 3 bal olub.
Zəlzələ nəticəsində Tacikabad rayonunun Lanqari kəndində 5 nəfər ölüb. Rəşt rayonunun Xicborak kəndində isə 2 yeniyetmə xəsarət alıb.
The news on earthquake in central #Tajikistan, which killed five people, saddened us. We express our condolences to the families of those killed as a result of the quake and wish speedy recovery to the injured.
????@MOFA_Tajikistan
— MFA Azerbaijan ?? (@AzerbaijanMFA) July 10, 2021
Məlumat oxu.az saytından götürülmüşdür.