İranın Albaniyadakı səfirliyinə BASQIN OLDU

İranın Albaniyadakı səfirliyinə basqın olub

Turanmedia.az konkret.az-a istinadən xəbər verir ki, bu barədə “Reuters” məlumat yayıb.

Albaniyada antiterror polis idarəsinin silahlı üzvləri İranın Tirandakı boş qalmış səfirliyinə basqın ediblər. Bu, iranlı diplomatların binanın içərisində sənədləri yandırmasından bir neçə saat sonra baş verib.

“Reuters”ın müxbiri bildirib ki, maska ​​və dəbilqə taxmış və pulemyotlarla silahlanmış polis diplomatik nömrəli iki avtomobil getdikdən sonra binaya daxil olub.

Təhlükəsizlik qüvvələri yarım saatdan çox binada olub.

Müxbir iddia edib ki, səfirlikdə iranlı diplomat olduğu güman edilən bir şəxs səfirlik ərazisində paslı çəlləkdə kağızları yandırıb.

Xatırladaq ki, sentyabrın 7-də Albaniya İranla diplomatik əlaqələri kəsib və iranlı diplomatlara ölkəni tərk etmək üçün 24 saat vaxt verib.

Qeyd edək ki, Baş nazir Edi Rama Tehranı kütləvi kiberhücumda ittiham edib.