Gömrük xətti ilə büdcəyə proqnozdan 23% çox vəsait toplanıb

2022-ci ildə Dövlət Gömrük Komitəsinin (DGK) xətti ilə dövlət büdcəsinə daxilolmaları proqnozdan 23% çox olub.

Turanmedia.az-ın məlumatına görə, “Ölkə.Az” Komitəyə istinadən xəbər verir ki, bunu qurumun sədrinin I müavini Ismayıl Hüseynov ötən ilin yekunlarına həsr edilmiş müşavirədə bildirib.

“2022-ci ildə müəyyən olunmuş 4 milyard 605 milyon manat illik büdcə öhdəliyinə qarşı faktiki olaraq 5 milyard 653 milyon manat vəsait dövlət büdcəsinə köçürülüb ki, bu da nəzərdə tutulan proqnozdan 1 milyard manat artıq deməkdir” – deyə o qeyd edib.