Warning: Invalid argument supplied for foreach() in /sites/turanmedia.az/wp-includes/script-loader.php on line 2678

“Expressbank” 2020-ci ili mənfəətlə başa vurdu

123 Baxış

“Expressbank” ASC 2020-ci il üzrə maliyyə nəticələrini açıqlayıb. Ötən ili də uğurla bitirən bankın xalis mənfəəti 6 milyon 829 min manat təşkil edib.

2020-ci ilin 4-cü rüb göstəricilərinə əsasən “Expressbank” ASC prudensial normativləri yüksək səviyyədə yerinə yetirib. Bankın I dərəcəli kapitalının adekvatlıq əmsalı 46.98% (min. tələb 5% olduğu halda) təşkil edib, bu da bank sektoru üzrə ən yüksək göstəricilərdən biridir. Məcmu kapitalın adekvatlıq əmsalı 51.11% (min. tələb 9% olduğu halda), Leverec əmsalı isə 32.68% (min. tələb 4% olduğu halda) təşkil edib. Bank, 2020-ci il dövrü üzrə yüksək likvidliyi ilə fərqlənib, belə ki, ilin sonuna ani likvidlik əmsalı 90.96% (min. tələb 30% olduğu halda) təşkil edib. Qeyd etmək lazımdır ki, bu əmsallar üzrə “Expressbank” ASC ölkənin bank sektorunda yüksək pillələrdə dayanır. Bu isə bir daha bankın maliyyə cəhətdən sağlam və dayanıqlı olduğunu sübut edir.

Bankın faiz gəlirliyi ötən ilin müvafiq dövrü ilə müqayisədə 4% artaraq 39.2 milyon manat, hüquqi şəxs və fərdi sahibkarlar üzrə haqq və komissiya gəlirləri isə 22% artaraq 3.7 milyon manat təşkil edib.

Orta və kiçik biznesin inkişafına xüsusi önəm verən “Expressbank” ASC, 2020-ci il ərzində də sahibkarlara dəstək göstərməyə davam edib. Belə ki, bank 2020-ci il ərzində müxtəlif sahibkarlıq subyektlərinə 77 milyon manat məbləğində 1500-dən artıq kredit verib. Eyni zamanda 70-dən artıq sahibkara 11 milyon manat məbləğində subsidiyalı kreditlər verilib ki, bunun da 4 milyon manatdan yuxarı hissəsi pandemiyadan zərərçəkən sahələr üzrə fəaliyyət göstərən sahibkarlıq subyektlərinin payına düşür. Əlavə olaraq, “COVID-19” pandemiyasının xüsusilə sahibkarlıq fəaliyyəti ilə məşğul olan hüquqi şəxs müştərilərinə yaratdığı çətinlikləri nəzərə alaraq, biznesə dəstək məqsədilə bir sıra bank əməliyyatları üzrə xidmət haqqı komissiyalarına endirimlər tətbiq edilib.

“2018–2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” çərçivəsində rəqəmsal texnologiyaların tətbiqi və bir sıra görülmüş tədbirlər nəticəsində, Bankın maliyyə əməliyyatlarının həcmində nağdsız qaydada aparılan əməliyyatların sayı kəskin artıb. Belə ki, ötən il ilə müqayisədə nağdsız ödəniş əməliyyatlarının sayı 57% artmış, bu əməliyyatların 74%-ni isə məhz təmassız ödənişlər təşkil edib.

Qeyd etmək istərdik ki, 2020-ci ilin may ayında “Fitch Ratings” Beynəlxalq Reytinq Agentliyi “Expressbank” ASC-nin reytinqini “B” səviyyəli “stabil” proqnozu ilə növbəti dəfə təsdiqləyib.

“Expressbank” ASC hər il olduğu kimi 2020-ci il ərzində də korporativ sosial məsuliyyət çərçivəsində bir sıra tədbirlər həyata keçirib. Belə ki, həssas əhali qruplarının özünüməşğulluğunun təşkili layihəsinə qoşulmaqla ötən il ərizində 20 ailəyə müvafiq avadanlıq təqdim edərək öz kiçik biznesini qurmaq imkanı yaradıb. Həmçinin dövlətimizə dəstək məqsədi ilə Koronavirusla Mübarizəyə Dəstək Fonduna 150.000 AZN və Azərbaycan Respublikasının Silahlı Qüvvələrinin Yardım Fonduna 150.000 AZN Bank tərəfindən ianə köçürülüb. 


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678