Sahibkarlar ötən il nə qədər güzəştli kredit alıb? – RƏSMİ

2020-ci ildə Sahibkarlığın İnkişafı Fondu tərəfindən sahibkarlara 126,9 milyon manat güzəştli kredit verilib.

Bunu İqtisadiyyat Nazirliyinin Sahibkarlığın İnkişafı Fondunun İdarə Heyətinin sədri Kənan Nəcəfov Fondun ötən ilki fəaliyyəti və qarşıda duran vəzifələrə həsr olunmuş mətbuat konfransında deyib.

Bildirilib ki, ötən il ərzində dövlət zəmanəti ilə kredit mexanizminin tətbiqi nəticəsində banklar tərəfindən 148 milyon manat məbləğində kreditin verilməsi təmin edilib. Bu kreditlər pandemiyadan zərər çəkmiş sahələri əhatə edib. 

Həmçinin, pandemiyadan zərər çəkmiş sahələr üzrə kredit portfelinin subsidiyalaşdırılması nəticəsində banklar tərəfindən sahibkarlara 483 milyon manat kredit verilməsinə nail olunub.

---

Məlumat oxu.az saytından götürülmüşdür.