Warning: Invalid argument supplied for foreach() in /sites/turanmedia.az/wp-includes/script-loader.php on line 2678

KOB subyektlərinin maliyyələşdirilməsi üçün elan edilən müsabiqəyə sənəd qəbulu başa çatıb

117 Baxış

Mikro, kiçik və orta sahibkarlıq subyektlərinin təhsil, elm, tədqiqat və dəstək layihələrinin maliyyələşdirilməsi elan edilmiş müsabiqəyə sənəd qəbulu başa çatıb.

Kiçik və Orta Biznesin İnkişafı Agentliyindən (KOBİA) Oxu.Az-a verilən məlumatda bildirilir ki, ilk dəfə keçirilməsinə baxmayaraq, müsabiqəyə KOB subyektləri tərəfindən böyük maraq göstərilib və çoxlu sayda layihə təqdim edilib.

Növbəti mərhələdə müvafiq tələblərə cavab verən layihələrin Ekspert Komissiyası tərəfindən qiymətləndirilməsi həyata keçiriləcək. Layihələrin qiymətləndirilməsi zamanı onun mikro, kiçik və orta sahibkarlığın inkişafına təsiri, innovativliyi, əsaslandırılmış ideyasının olması, praktiki məqsədlər üçün tətbiq imkanları, layihənin icrası üçün lazımi təcrübənin və maddi-texniki bazanın mövcudluğu və digər bu kimi amillər əsas götürüləcək.

Müsabiqənin nəticələri barədə məlumat aprelin 19-dan sonra KOBİA-nın rəsmi internet səhifəsində açıqlanacaq. Müsabiqədə iştirak edə bilməyən KOB subyektləri il ərzində keçirilməsi nəzərdə tutulan növbəti müsabiqədə iştirak edə bilərlər.

Qeyd edək ki, KOB subyektlərinin təhsil, elm, tədqiqat və dəstək layihələrinin maliyyələşdirilməsi ilə bağlı ilk müsabiqə Nazirlər Kabinetinin 30 sentyabr 2020-ci il tarixli Qərarı ilə təsdiq edilmiş Qaydalara uyğun olaraq keçirilir. Müsabiqə barədə ətraflı məlumatı Agentliyin saytından, eləcə də (012) 404 04 01 və 131 Çağrı Mərkəzindən əldə etmək olar.


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678