Naxçıvanda maaşlar cüzi artıb

Naxçıvanda orta aylıq əməkhaqqı yanvar ayı ilə müqayisədə cüzi artıb.

Oxu.Az-ın Naxçıvan Muxtar Respublikasının Statistika Komitəsindən əldə etdiyi məlumata əsasən, 2021-ci ilin yanvar-fevral aylarında əməkhaqqı 6,3 faiz artıb.

Beləliklə, Muxtar Respublikada bir işçiyə hesablanmış orta ayıq əməkhaqqı 536,2 manat təşkil edib. 

Qeyd edək ki, 2020-ci ilin yanvar-fevral aylarında bir işçiyə hesablanmış orta aylıq əməkhaqqı 504,5 manat olub.

Nigar Məmmədova

---

Məlumat oxu.az saytından götürülmüşdür.