Warning: Invalid argument supplied for foreach() in /sites/turanmedia.az/wp-includes/script-loader.php on line 2678

Səngəçal terminalından nə qədər neft və qaz ixrac edilib?

117 Baxış

2021-ci ilin birinci rübündə Səngəçal terminalı 60 milyon bareldən çox neft və kondensat, 5 milyard kubmetrdən çox Şahdəniz qazı ixrac edilib.

“BP Azərbaycan”dan Oxu.Az-a verilən məlumata əsasən, 52 milyon barel Bakı-Tbilisi-Ceyhan (BTC) vasitəsilə və 8 milyon bareldən artıq Qərb İxrac Boru Kəməri marşrutu vasitəsilə ixrac edilib.

Rüb ərzində terminaldan həmçinin gündəlik orta hesabla 56 milyon standart kubmetrdən çox Şahdəniz qazı ixrac edilib.

Bu dövr ərzində Azəri-Çıraq-Günəşli yatağından SOCAR-a əsasən Səngəçal terminalı, həmçinin Neft Daşlarındakı qurğu vasitəsilə gündə orta hesabla 11,6 milyon kubmetr, ümumilikdə isə 1 milyard kubmetr səmt qazı verilib.

Qeyd edilib ki, Səngəçal terminalının texniki emal sistemlərinin gündəlik gücü hazırda 1,2 milyon barel neft və kondensat, 105 milyon kubmetr qaz, həmçinin Şahdəniz qazı üçün təqribən 85 milyon standart kubmetrdir.


Məlumat oxu.az saytından götürülmüşdür.


Warning: Invalid argument supplied for foreach() in /sites/turanmedia.az/wp-includes/script-loader.php on line 2678