Hotellərin ulduz kateqoriyaları üzrə qiymətləndirmə meyarları təsdiqlənəcək

Prezident İlham Əliyev “Turizm haqqında” qanunu tətbiqi barədə fərman imzalayıb.

Turanmedia.az Apa-ya istinadən xəbər verir ki, fərmana əsasən, Nazirlər Kabineti üç ay müddətində turizm və rekreasiya zonalarının nümunəvi əsasnaməsinin layihəsini hazırlayıb Azərbaycan Respublikasının Prezidentinə təqdim etməli, turizm sahəsində layihələrin qrant maliyyələşdirilməsi üzrə müsabiqələrin keçirilməsi qaydasını Azərbaycan Respublikasının Prezidenti ilə razılaşdırmaqla təsdiq etməli, yerləşmə vasitələrində yerləşmə xidmətindən istifadə edən şəxslərin elektron qeydiyyatının aparılması qaydasını təsdiq edib Azərbaycan Respublikasının Prezidentinə məlumat verməlidir.