Ən pis ssenariyə hazırlaşmalıyıq: Batya məcbur olacaq

Ukrayna Belarusun müharibədə iştirakının ən pis ssenarilərinə hazırlaşır.

Turanmedia.az axar.az-a istinadən xəbər verir ki, bunu ölkənin daxili işlər nazirinin birinci müavini Yevgeni Yenin deyib.

Onun sözlərinə görə, Lukaşenko indiyədək Ukraynaya qarşı hərbi əməliyyatlarda böyük iştirakdan yayınmasına baxmayaraq, Belarusun rolu aktivləşə bilər:

“Belarus Rusiyanın kiçik bacısıdır. Belarus hakimiyyəti artıq öz ərazilərini qoşunların tranziti, raket və artilleriya atəşi, yaralıların müalicəsi, hətta Rusiya tərəfindən talan edilmiş malların ixracı üçün açıb. Bütün müharibə qanunlarına görə, Belarus hərbi təcavüzə çoxdan qoşulub. Lakin Belarusun rolu daha aktiv ola bilər. Belarus rəhbəri Rusiyanın Ukraynaya qarşı müharibəsində daha fəal iştirak etməmək üçün əlindən gələni edir. Ancaq onun sonsuza qədər uğur qazanacağına özümüzü əmin etməyə ehtiyac yoxdur. Biz istisna etmirik ki, Rusiya Belarusu sıxışdıra bilər və buna görə də biz ən pis ssenarilərə hazır olmalıyıq”.