Namiq Ələsgərov Türkiyə klubunda tibbi müayinədən keçdi

Namiq Ələsgərov “Bursaspor”da tibbi müayinədən keçib. 

Oxu.Az Türkiyə KİV-lərinə istinadən xəbər verir ki, N. Ələsgərov tibbi müayinədən uğurla çıxıb. 

Məlumatlara görə, Türkiyə klubu azərbaycanlı futbolçu ilə üç illik müqavilə bağlamaq niyyətindədir. 

Qeyd edək ki, Namiq Ələsgərov 2017-ci ildən “Neftçi”də çıxış edir. O, 2020/2021 mövsümündə “ağ-qaralar”ın heyətində Azərbaycan Premyer Liqasının qalibi olub. Yarımmüdafiəçi həmin mövsüm 19 qolla çempionatın bombardiri adını da qazanıb.

Türkiyə klubu N. Ələsgərovun azad agent statusu alması üçün “Neftçi”yə 50 min avro ödəyəcək.

---

Məlumat oxu.az saytından götürülmüşdür.