“Qaribaşvili İlham Əliyevi lider, ağsaqqal adlandırır” – Eldar Əzizov

Mirzə Fətəli Axundov adına Milli Kitabxanada “Vətən müharibəsi tarixi. Şəxsiyyət faktoru” kitabının elmi müzakirəsinə həsr edilən dəyirmi masa keçirilib.

Turanmedia.az Unikal.org-a istinadən xəbər verir ki, tədbirdə çıxış edən Bakı Şəhər İcra Hakimiyyətinin başçısı Eldar Əzizov şəxsiyyət faktorundan haqqında danışarkən bildirib ki, “Bu gün dövlətimizə dahi bir insan rəhbərlik edir. Onun səyləri nəticəsində ölkəmiz keyfiyyətcə dəyişir və Qarabağ müharibəsinin qalibi kimi çıxış edir. Bu xaricdə də qeyd edilir. Ötən ay mən Tbilisidə səfərdə olarkən Gürcüstanın Baş naziri İrakli Qaribaşvili ilə görüş zamanı qonşu dövlətin rəhbəri görüş iştirakçılarına xitabən qısa vaxt ərzində iki dəfə İlham Əliyevin lider, ağsaqqal olduğunu xüsusi qeyd edib. Digər dövlət rəhbərinin Prezident İlham Əliyev haqqında işlətdiyi bu ifadə isə adi və sıradan olan məsələ deyildir”.