Bayramov Blinken və Mirzoyanla görüşdü

16 Baxış

ABŞ-ın paytaxtı Vaşinqtonda Azərbaycanın xarici işlər naziri Ceyhun Bayramov, ABŞ Dövlət katibi Entoni Blinken və Ermənistanın xarici işlər naziri Ararat Mirzoyan arasında növbəti üçtərəfli görüş başlayıb.

Turanmedia.az axar.az-a istinadən xəbər verir ki, bu dəqiqələrdə Azərbaycan xarici işlər naziri Ceyhun Bayramov, ABŞ Dövlət katibi Entoni Blinken və Ermənistan xarici işlər naziri Ararat Mirzoyan arasında növbəti dəfə üçtərəfli görüş keçirilir.

Dövlət Departamentinin təşəbbüsü ilə baş tutan görüş Ağ Evin tarixi rəsmi qonaq evi “Blair House”da baş tutur.

Görüşdən öncə E.Blinken jurnalistlərə açıqlama verib. O, iki ölkə arasında davam edən sülh danışıqlarında ABŞ-ın rolundan danışıb və yaxın gələcəkdə bölgədə davamlı sülhün əldə olunacağına ümid etdiyini deyib.