İtaliya yığmasının üzvü İstanbulda intihar etdi

İtaliya millisinin və bu ölkənin “İqor Qorqonzola Novara” klubunun voleybolçusu Julia İtuma intihar edib.

Turanmedia.az olke.az-a istinadən xəbər verir ki, komandası ilə “Eczacıbaşı”ya qarşı keçiriləcək matç üçün İstanbula gələn 18 yaşlı xanım idmançı Üsküdarda qaldığı oteldə canına qəsd edib.

O, özünü 6-cı mərtəbədən aşağı atıb. Hadisə gecə saatlarında baş verib. Onunla eyni otaqda qalan Julia Varela isə həmin vaxt yatıb və heç nədən xəbəri olmayıb.

J.İtumanın intiharının səbəbləri barədə isə heç bir məlumat yoxdur. //Qafqazinfo