Konfrans Liqası: “Fənərbağça” darmadağınla 1/8 finalda

Türkiyənin “Fənərbağça” komandası UEFA Konfrans Liqasında səkkizdəbir finala yüksəlib.

Turanmedia.az Axar.az-a istinadən xəbər verir ki, İstanbul təmsilçisi buna qrup mərhələsinin son turunda Slovakiyanın “Spartak” (Trnava) klubunu darmadağın etməklə nail olub.

İsmayıl Kartalın başçılıq etdiyi komanda doğma meydanda rəqibinə 4 cavabsız qolla qalib gəlib. Qolları 36-cı dəqiqədə Fərdi Kadıoğlu, 48-ci dəqiqədə Dominik Takaç (avtoqol), 60-CI və 61-ci dəqiqələrdə isə Edin Ceko vurublar.

“Fənərbağça” bu qələbə ilə xallarını 12-yə çatdırıb və qrup ikincisi kimi pley-offa adlayıb. Bolqarıstanda Danimarkanın “Norşelland” komandasını üstələyən “Ludoqorets” isə qrup qalibi olub.