HƏMAS əsirliyində olan 50 nəfər azad edilir

Qırmızı Xaç nümayəndə heyəti HƏMAS əsirliyində olan 50 əsiri geri qaytarmaq üçün Qəzzaya yola düşüb.

Turanmedia.az Tns-ə istinadən xəbər verir ki, bu barədə İsrailin “i24News” kanalı məlumat yayıb.

Məlumata görə, əsirlər Qəzza sərhədindəki Xan Yunis şəhəri yaxınlığında təhvil alınacaq.

Azad ediləcək əsirlər ikili vətəndaşlığı olan insanlardır.

Qeyd olunub ki, son bir neçə saat ərzində aparılan danışıqlar fonunda İsrail tərəfindən Qəzza zolağına heç bir zərbə endirilməyib.

Bundan əvvəl media HƏMAS-ın mülki əsirləri yanacaqla dəyişməyi nəzərdən keçirəcəyini yazmışdı.