Bu ölkələrin prokurorları HƏMAS-ın hücumunun araşdırılmasına kömək etmək üçün İsrailə gedib

Avstriya, Argentina, Almaniya, ABŞ və Fransa prokurorluqlarının nümayəndələri oktyabrın 7-də Qəzza zolağından HƏMAS yaraqlılarının hücumu ilə bağlı istintaqa kömək etmək üçün bu həftə sonu İsrailə gediblər.

Turanmedia.az Tns-ə istinadən xəbər verir ki, bu barədə İsrail Baş nazirinin ofisi məlumat yayıb.

“İsrail Xarici İşlər Nazirliyi və Ədliyyə Nazirliyinin təşəbbüsü ilə bu həftə sonu Almaniya, ABŞ, Fransa, Argentina və Avstriyadan prokurorluq orqanlarının rəhbərləri və yüksək rütbəli prokurorlar İsrailə gəliblər. Bunlar oktyabrın 7-də HƏMAS hücumunda vətəndaşları öldürülən və ya qaçırılan ölkələrdir” – məlumatda bildirilib.

Ofis səfərin məqsədini “hüquqi cəbhədə terror təşkilatına təzyiqi artırmaq üçün HƏMAS və onun liderlərinin təhqiqatlarını və mühakimələrini təşviq etmək” adlandırıb.