Məğlubiyyətlə barışa bilməyən Ermənistanın son çırpınışları – VİDEO

İrəvanda Yüksək texnologiyalar sənayesi naziri Akop Arşakyan Ermənistandakı qüvvələrə və diasporaya müraciət edib, “Qarabağa dair verilən qərarla barışa bilməyən nazir sizin dayanmaq haqqınız yoxdur” deyib. 

Baku TV xəbər verir ki, məğlubiyyətlə barışa bilməyən Ermənistanın Yüksək texnologiyalar sənayesi naziri Akop Arşakyan rəsmi Facebook səhifəsində, hərbi sənayenin inkişafı, müxtəlif komponentlər və texnologiyaların tədarükü, ən yeni silahların hazırlanması və hərbi-sənaye kompleksinə kömək edən bütün qruplara, təşkilatlara, diaspor üzvlərinə və əhaliyə müraciət edib. Dayanmağa haqqımız yoxdur deyən nazir belə yazıb: 

“İndi inkişaf etməliyik, heç bir halda dayanmamalı, sayıqlığı itirməməli və rahatlamamalıyıq. Qarabağdakı döyüş əməliyyatları günlərində olduğu kimi maksimum səy göstərərək eyni həvəslə çalışmağa davam edin”. 

Ümidini üzməyən və Paşinyanın istefasını tələb edənlərdən biri də Ermənistanın Vatikandakı keçmiş səfiri, həmçinin, Ermənistanın üçüncü prezidenti Serj Sarkqsyanın kürəkəni Mikael Minasyandır. O bildirib ki, ölkənin vəziyyəti dəyişdirməsi üçün dörd gün və ya 96 saat vaxt var və yeganə problem Ermənistanın hazırkı Baş naziri Nikol Paşinyandır.

---

Məlumat oxu.az saytından götürülmüşdür.