Naxçıvandan daha 10 TIR yardım Türkiyəyə göndərildi

Naxçıvandan daha 10 TIR yardım Türkiyəyə göndərilib.

Turanmedia.az axar.az-a istinadən xəbər verir ki, fevralın 6-da Türkiyədə baş vermiş güclü zəlzələlərdən zərər çəkmiş insanlara köməklik göstərilməsi məqsədilə ölkəmizin hər yerində olduğu kimi, muxtar respublikada da qardaş ölkə üçün dəstək aksiyası başlayıb.

Göndərilən TIR-lardan birində Əlahiddə Ümumqoşun Ordu tərəfindən verilən 43 çadır dəsti, 2 mini generator, eləcə də, qızdırıcı, istilik ləvazimatları olub. İki TIR-da isə “Cahan” Holdinq kommersiya şirkətlər ittifaqı tərəfindən 40 tona yaxın müxtəlif qida, geyim və tibb məhsulları və Badamlı Mineral Sular Zavodu tərəfindən isə 35 ton su Türkiyəyə göndərilib. Digər 7 TIR-a isə əsasən qida, geyim, uşaq bezi, “Çınqıllı” suları, yataq, yorğan dəstləri, xalçalar yığılaraq göndərilib.